XX. mendeko Euskararen Corpus estatistikoa

Testuingurua

Euskal kultura

Are gehiago, kontutan izanik artikulu hau irakurtzen hasten garenerako inauguratua eta martxan jarria egongo dela Niessen Kultur Eraikineko Auditorioa, eta hortaz, azpiegitura horrek ere lagunduko luke esandako kontzertu horiek egiten.

Bada beste faktore garrantzitsu bat oso kontutan hartzekoa, proiektu hau ziurtasun osoz gauzatu litekeela pentsatzera naramana: Oreretako hari instrumentisten zentsoa da gogoan hartzekoa ezbairik gabe (ez dezagun ahaztu hari instrumentuak Orkestra Sinfoniko baten bizkarrezurra direla), egun hor nonbait sakabanatuta dauden arren.

Asko dira atzerrian edo estatuko geografian barrena beren ikasketak hobetzen ari direnak, eta beste batzuk, berriz, Orkestra desberdinetako musikari bezala ari dira.

Beraz, nire gogoeta ondokoa da: erdi subentzionatutako Orkestra bat abiarazten badugu, eta urteen joanarekin asko izan gabe finkatuta geratzen bada, Orkestra erdi-profesional bati buruz hitzegiten has gintezke, eta modu horretan, Oreretako musikari horiek guztiek beren herrira itzultzeko aukera izango lukete, Oreretak merezi duena izaten lagunduz, hots: Orkestra Sinfonikoa.

Zein ederra izango litzatekeen jendeari asteazken arratsalde batez honako hau entzutea:

- Gaur zortzitan ez egon nire zain, herriko Orkestra Sinfonikoaren kontzertua entzutera noa eta.

- Ah! Baina ba al dugu Orkestra Sinfonikorik Oreretan?

- Horixe baietz! Hilaren hirugarren asteazken guztietan kontzertu bat eskaintzen du, zein baino zein interesgarriagoa.

Lehen ere aipatu dut hau guztia gauzatu ahal izateko badagoela arazo korapilatsu samar bat, diruarena hain zuzen ere.

Uste dut litezkeen ate guztietara deituz Oreretako gazte eta interpretari handi hauek animatu ahal izateko beharrezkoa den diru kopurua lor litekeela.

Hala ez balitz, amore emango lukete azkenean, eta erakundeen laguntzarik jasotzen ez bada gogoa galduko lukete (nahiz ez dudan uste hala gertatuko zenik), eta ondorioz, hementxe bertan dugun altxor hau alferrik galduko genuke.

Dudarik gabe, niri dagokidanez, proiektu hau errealitate bihurtzeko beharrezko indar guztiak ahitu arte lanean segitzeko asmoa dut, Orereta bera bezain errealitate handi bihurtu dadin.